ڈیرہ اسماعیل خان میں مسلح افراد کا بینک پر حملہ ناکام بنادیا گیا
مسلح افراد بینک لوٹنا چاہتے تھے جس میں وہ پولیس کے بروقت رسپانس کی وجہ سے ناکام رہے
ڈی آئی خان:
ڈیرہ اسماعیل خان تھانہ پروآ کی حدود میں نیشنل بینک پر مسلح افراد کا حملہ پسپا کردیا گیا۔
ڈی پی او ڈیرہ سجاد احمد صاحبزادہ کے مطابق 20 سے 25 مسلح افراد نے نیشنل بینک پر حملہ کیا جو پولیس کے کوئیک رسپانس کی بدولت ناکام بنادیا گیا۔
ڈی پی او ڈیرہ کے مطابق مسلح افراد بینک کو لوٹنا چاہتے تھے جس میں وہ پولیس کے بروقت رسپانس کی وجہ سے ناکام رہے۔
پولیس نے علاقہ کو گھیرے میں لیکر سرچ آپریشن شروع کردیا، پولیس کی بھاری نفری طلب کرلی گئی۔