کراچی، 6 روز قبل ٹریفک حادثے میں زخمی ہونے والے شخص نے دم توڑ دیا

شہر قائد کے علاقے لانڈھی بھینس کالونی موڑ کے قریب 6 روز قبل ٹریفک حادثے میں زخمی ہونے والا شخص جناح اسپتال میں دوران علاج زخموں کی تاب نہ لاتے ہوئے دم توڑ گیا۔

تفصیلات کے مطابق سکھن کے علاقے لانڈھی بھینس کالونی موڑ کے قریب 4 فروری 2026 کو تیز رفتار گاڑی کی ٹکر سے زخمی ہونے والا 60 سالہ مظہر الدین ولد در محمد پیر اور منگل کی درمیانی شب جناح اسپتال میں دوران علاج زخموں کی تاب نہ لاتے ہوئے دم توڑ گیا۔ 

پولیس نے ضابطے کی کارروائی کے بعد جاں بحق ہونے والے شخص کی لاش ورثا کے حوالے کر دی ۔