خضدار کے قریب زلزلے کے جھٹکے، شدت 3.8 ریکارڈ
ریکٹر اسکیل پر زلزلے کی گہرائی 33 کلو میٹر ریکارڈ کی گئی
فوٹو: فائل
کوئٹہ:
بلوچستان کے ضلع خضدار کے قریب زلزلے کے جھٹکے محسوس کیے گئے جس کی ریکٹر اسکیل پر شدت 3.8 ریکارڈ کی گئی۔
پاکستان میٹرولوجیکل ڈیپارٹمنٹ (پی ایم ڈی) کے مطابق 13 فروری کو صبح 10 بج کر 52 منٹ پر زلزلے کے جھٹکے ریکارڈ کیے گئے۔
پی ایم ڈی کے مطابق زلزلے کی شدت ریکٹر اسکیل پر 3.8 ریکارڈ کی گئی جبکہ اس کی گہرائی 33 کلومیٹر تھی جبکہ زلزلے کا مرکز خضدار سے 75 کلومیٹر جنوب مشرق کی جانب واقع تھا۔
زلزلے سے متعلق کسی جانی یا مالی نقصان کی اطلاع موصول نہیں ہوئی۔