پاک بھارت میچ سے قبل اسٹیڈیم میں 4 فٹ لمبا سانپ گھس آیا

آئی سی سی مینز ٹی ٹوئنٹی ورلڈکپ میں پاکستان اور بھارت کے درمیان میچ سے قبل کولمبو کے اسٹیڈیم میں 4 فٹ لمبا سانپ نکل آیا۔

میڈیا رپورٹ کے مطابق جمعہ کو پاکستان کرکٹ ٹیم کے پریکٹس سیشن سے قبل سانپ اسٹیڈیم میں نظر آیا تاہم گراؤنڈ اسٹاف نے فوراً اسے پکڑا اور وائلڈ لائف حکام کے حوالے کر دیا۔

روایتی مقابلہ شام ساڑھے 6 بجے شروع ہوگا۔ یاد رہے کہ اس سے قبل بھی سری لنکا کے اسٹیڈیمز میں میچ کے دوران بھی سانپ دکھائی دیے ہیں۔