ہمیں ختم کرنے کی خواہش میں کہیں آپ ہی ختم نہ ہوجائیں؛ ایران کی ٹرمپ کو دھمکی

Iran is the heir to a civilization at least 6,000 years old. Through the trials of history, no power has ever succeeded in erasing this storied name. Anyone who entertains the illusion of destroying Iran knows nothing of history. Aggressors have come and gone; Iran has endured. pic.twitter.com/XX63yFuynT

اسی طرح ایران کے وزیر خارجہ عباس عراقچی نے ایک انٹرویو میں کہا کہ ایران مکمل طور پر تیار ہے اور جب تک ضروری ہوا اپنے میزائل حملے جاری رکھے گا۔

انھوں نے واضح کیا کہ امریکا کے ساتھ مذاکرات فی الحال ایران کے ایجنڈے میں شامل نہیں کیونکہ ماضی میں بات چیت کا تجربہ بہت تلخ رہا ہے۔

ادھر ایران کی سپریم نیشنل سکیورٹی کونسل کے سربراہ علی لاریجانی نے ٹرمپ کی دھمکیوں کو کھوکھلا قرار دیتے ہوئے کہا کہ ایران کے عوام ایسی دھمکیوں سے نہیں ڈرتے۔

انھوں نے صدر ٹرمپ کو خبردار کیا کہ آپ سے زیادہ طاقتور لوگ بھی ایرانی قوم کو ختم نہیں کرسکے اس لیے خود محتاط رہیں کہیں آپ ہی ختم نہ ہوجائیں۔

دوسری جانب ایران کی پاسدارانِ انقلاب نے کہا ہے کہ جنگ کے خاتمے کا فیصلہ ایران کرے گا اور اگر حملے جاری رہے تو خطے سے تیل کی برآمدات روکنے کی پالیسی برقرار رکھی جائے گی۔

خیال رہے کہ ایران کی کارروائیوں کے باعث آبنائے ہرمز کے ذریعے تیل کی ترسیل شدید متاثر ہوئی ہے، جہاں سے دنیا کے تقریباً 20 فیصد تیل کی ترسیل ہوتی ہے۔

اسی دوران سعودی عرب کی تیل کمپنی سعودی آرامکو کے سربراہ امن نصیر نے خبردار کیا کہ آبنائے ہرمز کی صورتحال کے باعث بڑی مقدار میں تیل کی سپلائی متاثر ہو رہی ہے اور اگر جنگ طویل ہوگئی تو اس کے عالمی معیشت پر سنگین اثرات پڑسکتے ہیں۔

ایرانی پارلیمنٹ کے اسپیکر نے بھی کہا ہے کہ ایران جنگ بندی کا خواہاں نہیں اور جارحیت کرنے والے کو ایسا سبق سکھایا جائے گا۔