کراچی؛ کمسن بچے کے کھلے مین ہول میں گرنے کی فوٹیج سامنے آگئی

سپر ہائی وے فقیرا گوٹھ میں کمسن بچے کے کھلے مین ہول میں گرنے کے واقعے کی سی سی ٹی وی فوٹیج سامنے آگئی۔

تفصیلات کے مطابق صنعتی ایریا تھانے کے علاقے سپر ہائی وے فقیرا گوٹھ میں 4 سالہ کمسن بچے کے کھلے مین ہول میں گر کر جاں بحق ہونے کے واقعے کی سی سی ٹی وی فوٹیج سامنے آگئی، 4 سالہ بچہ مین ہول میں کیسے گرا اور راہ گیروں نے کیسے بے حسی کا مظاہرہ کیا کیمرے نے عکس بندی کرلی۔

سی سی ٹی وی فوٹیج میں دیکھا جا سکتا ہے کہ 4 سالہ احسن گھر کی جانب جا رہا تھا، فوٹیج میں سڑک پر قطار میں چار مین ہولز کے ڈھکن کھلے ہوئے دیکھے جا سکتے ہیں۔ کمسن بچے نے ادھر ادھر دیکھتے ہوئے پہلا مین ہول کراس کیا، چاروں مین ہول کے اطراف بڑے پتھر رکھے ہوئے تھے۔

واضح رہے کہ متوفی کمسن بچہ اتوار کی شام لاپتا ہوا تھا، متوفی کمسن بچے کے لواحقین نے اسے بہت تلاش کیا لیکن بچے کا کوئی سراغ نہیں ملا تھا اور پیر کو متوفی کمسن بچے کی لاش کھلے مین ہول سے مل گئی تھی۔

پولیس نے شبہ ظاہر کیا تھا کہ متوفی کمسن بچہ کھیلتے ہوئے کھلے مین ہول میں گر کر جاں بحق ہوا۔