قومی ٹیم کے ہیڈ کوچ مائیک ہیسن کی کامیاب سرجری، صحت سے متعلق اپڈیٹ جاری

پاکستان کرکٹ ٹیم کے ہیڈ کوچ مائیک ہیسن نے اپنی صحت کے حوالے سے سوشل میڈیا پر اہم اپڈیٹ جاری کر دی۔

مائیک ہیسن نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی جس میں انہوں نے اپنے علاج سے متعلق آگاہ کیا۔ انہوں نے بتایا کہ ان کے لیے یہ ہفتہ کافی اہم رہا اور ان کی ریڑھ کی ہڈی سے فیسٹ سائینوول سسٹ کامیابی سے نکال دیا گیا ہے۔

ہیڈ کوچ نے اپنی پوسٹ میں اپنے سرجن ڈاکٹر آصف بشیر اور پاکستان کرکٹ ٹیم کا خصوصی شکریہ ادا کیا جنہوں نے ان کی بھرپور دیکھ بھال کی۔ انہوں نے مزید بتایا کہ ان کی ذاتی سیکیورٹی نے بھی ان دنوں میں ایک دوست اور نرس کی طرح ان کا خیال رکھا۔

مائیک ہیسن کا کہنا تھا کہ وہ اب گھر پہنچ چکے ہیں اور نیوزی لینڈ میں اپنی فیملی کے ساتھ وقت گزاریں گے۔

واضح رہے کہ مائیک ہیسن کی یہ سرجری لاہور کے ایک مقامی اسپتال میں کی گئی  جو کامیاب رہی۔