حفاظتی ٹیکہ جات پروگرام سندھ کی جانب سے ویکسینیٹرز کو جدید سیل فون فراہم

ڈسٹرکٹ سینٹرل کراچی کے ای پی آئی سیل کی جانب سے ویکسینیٹرز میں ڈیجیٹل امیونائزیشن رجسٹری (SEIR) کے جدید موبائل فونز تقسیم کیے گئے۔

اس اقدام کا بنیادی مقصد حفاظتی ٹیکہ جات کے نظام کو مزید مؤثر، شفاف اور ڈیجیٹل بنیادوں پر مضبوط بنانا ہے تاکہ بچوں کی بروقت ویکسینیشن اور ڈیٹا کی درست اندراج کو یقینی بنایا جا سکے۔

یہ موبائل فونز پروجیکٹ ڈائریکٹر ای پی آئی سندھ، ڈائریکٹر راج کمار کی جانب سے فراہم کیے گئے تھے۔

 اس کے ساتھ ساتھ کورونا وبا کے دوران بھرتی کیے گئے ویکسینیٹرز، جو اب باقاعدہ طور پر ای پی آئی پروگرام کا حصہ ہیں، انہیں بھی اس سہولت سے مستفید کیا گیا۔

اس موقع پر ڈسٹرکٹ ہیلتھ آفیسر سینٹرل ڈاکٹر فرقان نبیل خان  نے ویکسینیٹرز کو ہدایت دی کہ وہ اپنی کارکردگی مزید بہتر بنائیں اور ہر بچے تک ویکسین کی رسائی کو یقینی بنائیں۔

اس موقع پر ڈاکٹر عروہ، ڈاکٹر علیزہ،  ڈاکٹر ثمرین اور کاظم رضوی بھی موجود تھے۔