پشاور سے تعلق رکھنے والی علی سسٹرز نے ایک مرتبہ پھر پاکستان کا نام فخر سے بلند کردیا

پشاور سے تعلق رکھنے والی علی سسٹرز نے ایک مرتبہ پھر پاکستان کا عالمی سطح پر نام فخر سے بلند کر دیا۔

ماہ نور علی نے ملائیشیا میں ہونے والی انٹرنیشنل جونیئر اوپن چیمپئن شپ 2026 جیت کر گولڈ میڈل اپنے نام کر لیا، ماہ نور علی کی چھوٹی بہن سحرش علی نے برانز میڈل جیت لیا۔

موصولہ اطلاعات کے مطابق ایشین جونیئر سپر سیریز کی چیمپئن شپ کے گرلز انڈر 15 ایونٹ کے فائنل میں ماہ نور علی نے ملائشیا کی محمد خیرالنظام میسرہ کو ایک دلچسپ مقابلے کے بعد 1-3 سے شکست دے کر ٹائٹل اپنے نام کیا، فائنل میں ماہ نور نے پہلا گیم سنسنی خیز مقابلے کے بعد 10-12 سے جیتا۔

دوسرا گیم بھی سخت جدوجہد کے بعد 11-13 سے جیتنے والی ماہ نور علی تیسرے گیم میں 11-6 سے مات کھا گئیں لیکن چوتھے گیم میں ماہ نور علی نے اپنی حریف کو بآسانی 7-11 سے قابو کر کے ٹائٹل پر قبضہ جما لیا، سیمی فائنل میں مات کھا جانے والی ماہ نور علی کی چھوٹی بہن سحرش علی نے تیسری پوزیشن کے لیے ہونے والے مقابلے میں کامیابی حاصل کرکے پاکستان کے لیے برانز میڈل جیت لیا۔