2 گروہوں میں ہاتھا پائی، لاہور ہائی کورٹ میدان جنگ بن گیا،

لاہور ہائیکورٹ میں کیس کی سماعت کے لیے آنے والے دو گروپس کے درمیان جھگڑا ہوگیا، فریقین نے ایک دوسرے پر تھپڑوں اور گھونسوں کا آزادانہ استعمال کیا۔

ذرائع کے مطابق ملزمان کے خلاف شیخوپورہ میں اقدام قتل کا مقدمہ درج تھا اور وہ عبوری ضمانت کے لیے عدالت میں پیش ہوئے تھے۔

سماعت سے قبل مدعیوں سے تلخ کلامی ہوئی جو عدالت کے باہر ہاتھا پائی میں تبدیل ہوگئی۔

ہائیکورٹ کے سکیورٹی اسٹاف نے فوری کارروائی کرتے ہوئے دونوں گروپس کے افراد کو حراست میں لے لیا۔