اسلام آباد میں دکانیں بند رکھنے سے متعلق نوٹیفکیشن، انتظامیہ کی وضاحت
فوٹو: ایکس
اسلام آباد کے ڈپٹی کمشنر نے وفاقی دارالحکومت میں دکانیں بند رکھنے کے وقت کے حوالے سے وضاحت کرتے ہوئے سوشل میڈیا پر گردش کرنے والے نوٹیفکیشن کو جعلی قرار دے دیا۔
سماجی رابطے کی ویب سائٹ ایکس پر جاری بیان میں ڈپٹی کمشنر اسلام آباد نے بتایا کہ دکانیں بند کرنے کے اوقات پر تبدیلی کے حوالے سے ایک جعلی نوٹیفکیشن سوشل میڈیا پر گردش کر رہا ہے۔
انہوں نے وضاحت کرتے ہوئے کہا کہ اسلام آباد کی انتظامیہ نے اس حوالے سے آج کوئی نوٹیفکیشن جاری نہیں کیا ہے۔
ڈی سی اسلام آباد نے کہا کہ شہریوں کو مشورہ دیا جاتا ہے کہ وہ مصدقہ معلومات اور غیرمصدقہ معلومات کا تبادلہ کرنے سے گریز کرنے کے لیے سرکاری ذرائع پر انحصار کریں۔
A fake notification regarding revised shop closure timings is being circulated on social media, The Islamabad Administration has NOT issued any new notification today in this regard. Citizens are advised to rely only on official sources for authentic information and avoid sharing… pic.twitter.com/jHaEgk4MWB
— DC Islamabad (@dcislamabad) April 22, 2026
واضح رہے کہ سوشل میڈیا پر زیرگردش نوٹیفکیشن میں کہا گیا تھا کہ تمام دکانیں، مارکیٹیں اور شاپنگ مال ہفتہ اور اتوار سمیت روزانہ رات کو 10 بجے بند ہوں گے تاہم فارمیسی، میڈیکل اسٹورز، میڈیکل سپلائی اسٹورز اور اسپتال اس سے مستثنیٰ ہوں گے۔