شمالی کوریا میں یوکرین کیخلاف لڑنے والے فوجیوں کی یاد میں میوزیم کا افتتاح

یوکرین کیخلاف لڑنے اور ہلاک ہونے والے شمالی کوریا کے فوجیوں کی یاد میں ملک میں ایک میوزیم کا اففتاح کیاگیا ہے.

میڈیا رپورٹس کے مطابق افتتحای تقریب میں شمالی کوریا اور روس کے سرکردہ رہنماؤں نے آپس میں مزید تعاون کا اعادہ کیا ہے۔

اپریل 2025 میں شمالی کوریا اور روس نے اعلان کیا تھا کہ ان کے فوجی مل کر روس کے کرسک سرحدی علاقے میں یوکرین کی دراندازی کو پسپا کرنے کے لیے لڑیں گے۔

تاہم دونوں ممالک نے یہ نہیں بتایا کہ شمالی کوریا نے کتنے فوجی تعینات کیے۔ تاہم جنوبی کوریا کی انٹیلی جنس سروس کے اندازے کے مطابق شمالی کوریا نے تقریباً 15,000 فوجی بھیجے اور ان میں سے 2,000 مارے گئے۔

شمالی کوریا کی مرکزی خبر رساں ایجنسی نے پیر کو اطلاع دی کہ میوزیم کی افتتاحی تقریب پیانگ یانگ میں کرسک کے علاقے کو آزاد کرانے کے آپریشن کے خاتمے کے ایک سال مکمل ہونے کے موقع پر منعقد کی گئی۔

رہنما کم جونگ ان نے دورہ کرنے والے روسی حکام کے ساتھ تقریب میں شرکت کی جن میں ریاست ڈوما کے اسپیکر ویاچسلاو ولوڈن اور وزیر دفاع آندرے بیلوسوف شامل تھے۔