وزیرِاعظم شہباز شریف کی پی ایس ایل فائنل کے موقع پر قذافی اسٹیڈیم آمد
وزیراعظم نے اسٹیڈیم آمد کے دوران پی ایس ایل ٹرافی کے ساتھ تصاویر بھی بنوائیں اور کھلاڑیوں سے مصافحہ بھی کیا
وزیرِاعظم شہباز شریف پاکستان سپر لیگ کے فائنل کے موقع پر قذافی اسٹیڈیم پہنچ گئے، وزیر داخلہ اور پاکستان کرکٹ بورڈ کے چیئرمین محسن نقوی نے ان کا پرتپاک استقبال کیا۔
اس موقع پر وزیراعظم نے پشاور زلمی اور حیدرآباد کنگز مین کے کھلاڑیوں سے ملاقات کی اور ان سے مصافحہ کیا۔ انہوں نے پاکستان سپر لیگ سیزن 11 کے فائنل میچ کا کچھ حصہ بھی دیکھا اور کھلاڑیوں کی کارکردگی کو سراہا۔
وزیراعظم میچ کا کچھ حصہ دیکھنے کے بعد قذافی اسٹیڈیم سے روانہ ہو گئے جبکہ فائنل میچ کے دوران اسٹیڈیم میں شائقینِ کرکٹ کی بڑی تعداد موجود تھی اور ماحول انتہائی پُرجوش رہا۔