اداکارہ نمرہ خان نے دوسری شادی کی خوشخبری سنا دی

پاکستانی شوبز انڈسٹری کی معروف اداکارہ نمرہ خان نے اپنی زندگی کے نئے باب کا آغاز کرتے ہوئے دوسری شادی کا اعلان کر دیا۔ اداکارہ نے سوشل میڈیا کے ذریعے مداحوں کو اس خوشخبری سے آگاہ کیا، جس کے بعد مبارکبادوں کا سلسلہ تیزی سے جاری ہے۔

انسٹاگرام پر لاکھوں فالوورز رکھنے والی نمرہ خان نے پیرس سے اپنی شادی کی تصاویر شیئر کیں، جن میں وہ گلابی لباس میں دکھائی دیں جبکہ ان کے شریکِ حیات گرے سوٹ میں ملبوس تھے۔

ایفل ٹاور کے سامنے لی گئی تصاویر کے ساتھ نمرہ خان نے اپنی خوشی کا اظہار کرتے ہوئے اس نئے رشتے کو اللہ کی رحمت قرار دیا۔ ان کی پوسٹ سامنے آتے ہی مداحوں، ساتھی فنکاروں اور شوبز شخصیات نے نیک تمناؤں کا اظہار کیا۔