کیماڑی میں ٹرالر کی ٹکر سے موٹرسائیکل رائیڈر جاں بحق

کیماڑی گھاس بندر کے قریب ٹرالرکی ٹکرسے موٹرسائیکل رائیڈر جاں بحق جبکہ نیا ناظم آباد کے قریب کام کے دوران عمارت کی پانچویں منزل سے گرکرمزدورجاں بحق ہوگیا

تفصیلات کے مطابق ڈاکس تھانے کے علاقے کیماڑی گھاس بندرگیٹ نمبر17 کے قریب ٹریفک حادثے میں موٹرسائیکل سوارشخص جاں بحق ہوگیا جس کی لاش قانونی کارروائی کے لیے سول اسپتال منتقل کی گئی جہاں متوفی شناخت 35 سالہ محمد نعمان ولد محمد رمضان کے نام سے کی گئی۔

متوفی شخص کھارادرکا رہائشی اورموٹرسائیکل رائیڈرتھا ٹرالرکی ٹکرکے باعث پیش آیا۔ حادثے کے فوری بعد پولیس نے کارروائی کرتے ہوئے ٹرالرکوقبضے میں لیکراس کے ڈرائیور کوگرفتارکرلیا ہے اورحادثے سے متعلق مزید تفتیش کی جارہی ہے۔

منگھو پیرتھانے کے علاقے نیا ناظم آباد ابوبکرمسجد کے قریب کام کے دوران عمارت کی پانچویں منزل سے گرکرمزدورجاں بحق ہوگیا جس کی لاش قانونی کارروائی کے لیے  عباسی شہید اسپتال منتقل کی گئی۔

متوفی مزدورکی شناخت 36 سالہ منیراحمد ولد عبدالجبار کے نام سے کی گئی، پولیس نے قانونی کارروائی کے بعد متوفی مزدورکی لاش ورثا کے حوالے کردی ہے۔