پنجاب میں موٹر سائیکل، کار اور کمرشل گاڑی مالکان کے لیے اچھی خبر

حکومت پنجاب کی طرف سے ٹریفک جرمانوں میں کمی کر دی گئی، جس کے لیے ون ایپ کو بھی اپ ڈیٹ کر دیا گیا۔

کمرشل گاڑیوں کو بھی ٹریفک قوانین کی خلاف ورزی پر آج سے چالان ٹکٹ جاری ہوں گے۔

موٹر سائیکل کے موبائل فون، لین لائن، ٹریفک بہاؤ میں خلل، پریشر ہارن اور دیگر خلاف ورزیوں پر جرمانہ ایک ہزار ہوگا۔

بغیر ہیلمٹ، ون وے ٹریفک کی خلاف ورزی اور بغیر لائسنس موٹر سائیکل چلانے پر جرمانہ دو ہزار ہی ہوگا جبکہ دو ہزار سی سی کار ڈرائیورز کو لین لائن پر دو ہزار جبکہ ٹریفک سگنل کی خلاف ورزی 03 ہزار جرمانہ ہوگا۔

بغیر لائسنس کمرشل گاڑی چلانے اور ٹریفک سگنل کی خلاف ورزی پر پانچ ہزار جرمانہ ہوگا۔ دھواں چھوڑنے پر موٹر سائیکل اور رکشہ کو دو ہزار، کار کو تین ہزار جبکہ کمرشل گاڑیوں کو پانچ ہزار جرمانہ ہوگا۔ کار، موٹر سائیکل و کمرشل گاڑیوں کی مختلف ٹریفک خلاف ورزیوں کے جرمانے کم کر دیے گئے۔

سی ٹی او لاہور سید عبدالرحیم شیرازی کا کہنا تھا کہ ٹریفک چالان کا مقصد شہریوں کی اصلاح کرنا ہے، شہری محفوظ سفر کے لیے ٹریفک قوانین کی پاسداری کریں۔