کراچی، خاتون کے ساتھ نازیبا حرکت کا معاملہ، ایس ایس پی نے نوٹس لے لیا، مقدمہ درج
مقدمہ خاتون کے شوہر کی مدعیت میں درج کیا گیا
کراچی:
شہر قائد میں زمان ٹاؤن پولیس نے گلی میں کھڑی خاتون سے نازیبا حرکت کی ویڈیو سوشل میڈیا پر وائرل ہونے کے بعد واقعہ کا مقدمہ متاثرہ خاتون کے شوہر کی مدعیت میں درج کرلیا۔
ایس ایس پی ڈسٹرکٹ کورنگی نے ویڈیو وائرل ہونے کا نوٹس لیتے ہوئے خاتون کو ہراساں کرنے والے ملزم کی فوری گرفتاری کی ہدایت جاری کی تھی۔
ویڈیو وائرل ہونے پر پولیس نے ازخود کارروائی شروع کر دی جس کے بعد پولیس نے خاتون کے شوہر کی مدعیت میں مقدمہ درج کر کے ملزم کی تلاش شروع کر دی ہے اور اس حوالے سے سی سی ٹی وی فوٹیجز کی مدد بھی حاصل کی جا رہی ہے ۔