امریکا: فیفا ورلڈ کپ کی خوشی میں دنیا کی سب سے بڑی فٹبال بنانے کا اعلان

امریکا کی میساچوسیٹس پورٹ اتھارٹی نے اعلان کیا ہے کہ وہ فیفا ورلڈ کپ کی خوشی میں دنیا کی سب سے بڑی فٹبال تیار کرے گی۔

ماسپورٹ کے مطابق اس دیوقامت فٹبال کا قطر 45 فٹ ہوگا جو اسے دنیا کی سب سے بڑی فٹبال کا گینیز ورلڈ ریکارڈز کا ٹائٹل دلانے کے لیے کافی ہے۔ اس وقت یہ اعزاز دوحہ بینک کے پاس ہے جس نے 2013 میں 39 فٹ 11.8 انچ قطر کی فٹبال متعارف کرائی تھی۔

یہ ریکارڈ بنانے کی کوشش فیفا ورلڈ کپ کے اُن میچز کے جشن کا حصہ ہے جو جون اور جولائی میں بوسٹن اسٹیڈیم، فاکسبرو میں کھیلے جائیں گے۔