لاہور سمیت پنجاب بھر میں بارش کی پیش گوئی

گرمی کے ستائے عوام کے لیے اچھی خبر سامنے آگئی، لاہور سمیت پنجاب بھر میں بارش کی پیشگوئی کر دی گئی۔

محکمہ موسمیات کے مطابق آندھی اور بارش برسانے والا نیا سسٹم پاکستان کی جانب رواں دواں ہے، جو 19 مئی کو پاکستان میں داخل ہوگا۔

لاہور سمیت پنجاب کے بیشتر اضلاع میں 19 سے 22 مئی کے دوران آندھی کے ساتھ بارش کا امکان ہے۔

محکمہ موسمیات کے مطابق لاہور میں کم سے کم درجہ حرارت 27 ڈگری اور زیادہ سے زیادہ 40 ڈگری سینٹی گریڈ سے تجاوز کرنے کا امکان ہے۔