ایپل صارفین کے لیے نئی سہولت متعارف کرانے جا رہا ہے

ٹیکنالوجی کمپنی ایپل اپنے ایپل کارڈ کے لیے ایک نئے سائن اپ آفر کی تیاری کر لی۔

اس متعلق بلومبرگ کے مارک گرمن نے دعویٰ کیا ہے کہ کمپنی ایپل کارڈ کے لیے ایک زبردست سائن اَپ آفر لانے کی تیاری کر رہی ہے۔

یہ نئی ڈیل غالباً اگلے ہفتے سے شروع ہوگی اور بظاہر صرف ایپل کے ریٹیل اسٹورز میں دستیاب ہوگی۔

آفر کے مطابق اگر صارفین اسٹور میں جا کر ایپل کارڈ کے لیے سائن اَپ کریں گے اور ساتھ ایئر پوڈز پرو 3 خریدیں گے تو صارف کو پورے 249 ڈالر کا کیش بیک ملے گا۔

چونکہ ایئر پوڈز پرو 3 کی قیمت بھی ٹھیک 249 ڈالر ہے، اس کا مطلب یہ ہوا کہ ایئرپوڈز آپ کو بالکل مفت پڑیں گے۔

ایپل کارڈ کو 2019 میں امریکا Goldman Sachs اور ماسٹر کارڈ کے اشتراک سے متعارف کروایا گیا تھا۔

یہ ایک ڈیجیٹل کریڈٹ کارڈ ہے جو آپ کے آئی فون میں موجود رہتا ہے اور ہر خریداری پر آپ کو کیش بیک دیتا ہے۔