فتح جنگ روڈ پر ٹریفک حادثہ، موٹرسائیکل سوار نوجوان جاں بحق
لاش کو ضروری کارروائی کے لیے قریبی اسپتال منتقل کردیا گیا
راولپنڈی:
راولپنڈی کے علاقے فتح جنگ روڈ پر افسوسناک ٹریفک حادثہ پیش آیا، جہاں ایک گاڑی کی ٹکر سے موٹرسائیکل سوار نوجوان جاں بحق ہوگیا۔
ریسکیو 1122 کے مطابق حادثے میں 23 سالہ موٹرسائیکل سوار واصف اللہ موقع پر ہی دم توڑ گیا۔
حادثے کی اطلاع ملتے ہی ریسکیو ٹیمیں موقع پر پہنچ گئیں اور لاش کو ضروری کارروائی کے لیے قریبی اسپتال منتقل کردیا گیا۔