نائب وزیراعظم اسحاق ڈار اور قطری وزیر مملکت کے درمیان علاقائی صورتحال پر گفتگو

نائب وزیراعظم اسحاق ڈار اور قطری وزیر مملکت کے درمیان ٹیلی فونک پر علاقائی صورت حال پر گفتگو ہوئی ہے۔

وزارتِ خارجہ کے ترجمان کے مطابق نائب وزیراعظم اور وزیر خارجہ محمد اسحاق ڈار نے آج قطر کے وزیر مملکت برائے امورِ خارجہ محمد بن عبدالعزیز آل خلیفہ سے ٹیلیفون پر گفتگو کی ہے۔

دونوں رہنماؤں کے درمیان علاقائی صورتحال اور باہمی دلچسپی کے امور پر تبادلہ خیال کیا گیا۔ فریقین نے علاقائی چیلنجز سے نمٹنے کے لیے مکالمے اور سفارتی روابط کی اہمیت پر زور دیا۔

قطری وزیر مملکت نے خطے میں پاکستان کے تعمیری کردار اور امن کے لیے جاری سفارتی کوششوں کو سراہا۔

نائب وزیراعظم اور وزیر خارجہ نے خطے اور اس سے باہر امن، استحکام اور خوشحالی کے مشترکہ مقاصد کو آگے بڑھانے کے لیے پاکستان کے عزم کا اعادہ کیا۔