اسرائیلی بحریہ کا گلوبل صمود فلوٹیلا پر دھاوا، کارکنان زیر حراست، فیصل ایدھی کے بیٹے بھی شامل

اسرائیلی بحریہ نے غزہ کے لیے امداد لے جانے والے گلوبل صمود فلوٹیلا کو روک کر کارکنوں کو حراست میں لے لیا، جن میں ایدھی فاؤنڈیشن کے سربراہ فیصل ایدھی کے بیٹے سعد ایدھی بھی شامل ہیں۔

تفصیلات کے مطابق 14 مئی کو ایدھی فاؤنڈیشن کے سربراہ فیصل ایدھی کے بیٹے سعد ایدھی غزہ کے لیے امدادی مشن میں شامل ہو کر ترکیہ کے شہر مارماریس سے ’’فریڈم فلوٹیلا‘‘ کے ہمراہ غزہ روانہ ہوئے تھے۔

انہوں نے بتایا کہ گلوبل صمود فلوٹیلا اور ایدھی فاؤنڈیشن کا مقصد غزہ کے متاثرین تک انسانی امداد پہنچانا ہے تاہم 4 روز کے بعد 18 مئی کو اسرائیلی بحریہ نے غزہ کے لیے امداد لے جانے والے صمود فلوٹیلا کو روک کر کارکنوں کو حراست میں لیا۔