چیف الیکشن کمشنر گلگت بلتستان نے خطے میں بلدیاتی انتخابات کا شیڈول جاری کر دیا

چیف الیکشن کمشنر گلگت بلتستان راجہ شہباز خان نے گلگت بلتستان میں بلدیاتی انتخابات کا شیڈول جاری کر دیا ہے۔

چیف الیکشن کمشنر کے مطابق بلدیاتی انتخابات 2 اگست کو ہوں گے، جبکہ امیدوار 9 جون سے 15 جون تک اپنے کاغذات نامزدگی جمع کرا سکیں گے۔

راجہ شہباز خان نے کہا کہ گلگت بلتستان میں 22 سال بعد بلدیاتی انتخابات کا انعقاد کیا جا رہا ہے۔ انہوں نے بتایا کہ ریٹرننگ افسران 6 جون سے نوٹسز جاری کریں گے۔

چیف الیکشن کمشنر نے بلدیاتی انتخابات کے شیڈول پر باقاعدہ دستخط کر دیے ہیں، جس کے بعد انتخابی عمل کا باقاعدہ آغاز ہو گیا ہے۔