انٹر بورڈ چیئرپرسنز کمیشن کا ملازم فیملی سمیت لاہور سے غائب
متاثرہ فیملی کی جانب سے پولیس کو دی گئی درخواست بھی منظر عام پر آگئی
لاہور:
انٹر بورڈ چیئرپرسنز کمیشن کے ملازم حفظ ذیشان فیملی سمیت لاہور سے غائب ہوگئے، واقعے کو 24 گھنٹے گزرنے کے باوجود لاہور پولیس نے مقدمہ درج نہیں کیا۔
متاثرہ فیملی کی جانب سے پولیس کو دی گئی درخواست بھی منظر عام پر آگئی۔
درخواست کے متن کے مطابق ذیشان اپنی اہلیہ اور دو کمسن بچوں سمیت لاہور ریلوے اسٹیشن سے لاپتا ہوا، متعلقہ تھانے ریلوے اسٹیشن جا کر سب انسپکٹر کو ملنے پر بھی کوئی کارروائی نہ کی گئی۔
حافظ ذیشان کے بزرگ والد نے ویڈیو پیغام میں حکام سے مدد کی اپیل کی ہے۔