بھارت میں اقلیتوں خاص طور پر مسلمانوں کیخلاف انتقامی کارروائیوں نے تمام حدیں پار کر دیں

آر ایس ایس کے اشاروں پرچلنے والی مودی سرکار نے مسلمانوں اوردوسرے مذاہب سے تعلق رکھنے والے افراد کا جینا مشکل بنادیا۔

بھارتی جریدہ دی نیو انڈین ایکسپریس مودی حکومت کے مسلمانوں کیخلاف ہونے والے مظالم سامنے لے آیا۔

اترپردیش کےعلاقہ غازی آباد میں سرکاری زمین کا الزام لگا کرایک مدرسہ گرادیا گیا جبکہ 2 بند کردیے گئے۔ مدرسہ انتظامیہ کا کہنا ہے کہ مدرسہ سن 2000 سے رجسٹرڈ ہے اور تمام کاغذات بھی بالکل صحیح ہیں۔

دوسری جانب دہرادون میں مسجد پر پابندی کے بعد انتہا پسندوں نے مسجد کے باہر ہندو مذہبی عبادت شروع کردی۔ ماہرین کے مطابق مودی کی حکومت میں بھارت میں ہندوتواکا نظریہ مضبوط ہوچکا ہےجس کا نشانہ دوسرے مذاہب سے تعلق رکھنےوالے افراد بنتے ہیں۔