نوجوانوں کو کاکروچ کہنے والے بھارتی چیف جسٹس کو برطانیہ میں شرمندگی کا سامنا
بھارتی چیف جسٹس سوریا کانت کو برطانیہ میں ایک تقریب کے دوران ناخوشگوار صورتحال کا سامنا کرنا پڑا۔
میڈیا رپورٹس کے مطابق سوریا کانت نے یونیورسٹی آف لندن کے ایک پروگرام میں مصنوعی ذہانت اور بین الاقوامی قانون کے موضوع پر خطاب کیا جس میں بعض شرکاء نے ان کی تقریر کے بعد سوال و جواب کے سیشن میں بھارت میں اختلافِ رائے اور جمہوری آزادیوں سے متعلق سوالات اٹھادیے۔
Chief Justice of India is being heckled in the UK for calling India’s youth ‘cockroaches’! Unfortunately for the Chief Justice, Modi or Amit Shah don’t control London police. pic.twitter.com/aAbYaUIlIL
— Ashok Swain (@ashoswai) June 5, 2026
تقریب کے دوران چند شرکاء نے بھارت میں اظہارِ اختلافی رائے کے بارے میں بھی سوالات اٹھائے، تاہم منتظمین نے انہیں موضوع سے غیر متعلق قرار دیتے ہوئے روک دیا، جس پر ہال میں کشیدگی پیدا ہوگئی۔
سوشل میڈیا پر وائرل ویڈیوز میں بعض افراد کو احتجاجی انداز میں آواز بلند کرتے ہوئے دیکھا گیا جبکہ بھارتی ہائی کمیشن نے کہا کہ اختلافِ رائے کا اظہار جمہوری معاشروں کا حصہ ہے لیکن اسے شائستگی اور احترام کے دائرے میں ہونا چاہیے۔
ہائی کمیشن آف انڈیا نے بعد ازاں شرکا کے اس رویے کو "نامناسب" اور "غیر مہذب" قرار دیا۔