وزارت خارجہ سے دستاویزات کی تصدیق کروانے والا غیرقانونی نیٹ ورک پکڑا گیا

ایف آئی اے اینٹی کرپشن سرکل نے  کارروائیاں کرتے ہوئے وزارت خارجہ سے دستاویزات کی تصدیق کروانے والا غیرقانونی نیٹ ورک پکڑا گیا۔

گرفتار خاتون خدیجہ سمیر ایم او ایف اے تصدیقی سروسز کا دفتر غیرقانونی طور پر چلا رہی تھی۔ چھاپے کے دوران ایم او ایف اے اپوسٹل سے متعلق دستاویزات قبضے میں لے لی گئیں، کارروائی اینٹی کرپشن سرکل کے کیس 42/26 کے تحت کی گئی۔

ترجمان ایف آئی اے نے کہا کہ اینٹی کرپشن سرکل نے بجلی چوری میں ملوث اشتہاری بھی گرفتار کر لیا۔ ملزم کی شناخت پرویز احمد کے نام سے ہوئی ہے، ملزم ایف آئی اے کو سال 2024 سے مطلوب تھا۔