علی پور: مسجد میں 8 سالہ بچی سے مبینہ زیادتی کی کوشش، امام گرفتار

تھانہ سیت پور کی حدود موضع لتی میں امام مسجد نے 8 سالہ بچی سے مسجد کے اندر زیادتی کی کوشش کی۔

بچی کے والد کے مطابق ملزم مسجد کی صفائی کرنے کے بہانے بچی کو واش روم تک لے گیا اور برہنہ کرکے زیادتی کی کوشش کی، بچی کے شور کرنے پر ملزم بچی کو برہنہ حالت میں چھوڑ کر فرار ہوگیا۔

بچی کے والد کی اطلاع پر مقامی پولیس نے موقع پر پہنچ کر ملزم کو گرفتار کر لیا، زیر حراست ملزم نے جرم کا اعتراف کر لیا۔

تھانہ سیت پور پولیس نے ملزم کے خلاف زیر دفعہ 376 ت پ اور 511 ت پ کے تحت مقدمہ درج کر لیا۔