گووندا اور سنیتا آہوجا نے انسٹاگرام پر ایک دوسرے کو ان فالو کر دیا، علیحدگی کی افواہیں پھر تیز

بالی ووڈ اداکار گووندا اور ان کی اہلیہ سنیتا آہوجا کے تعلقات ایک بار پھر خبروں کی زینت بن گئے کیونکہ دونوں نے انسٹاگرام پر ایک دوسرے کو ان فالو کر دیا ہے۔

گووندا اور سنیتا آہوجا کی شادی کو تقریباً چار دہائیاں گزر چکی ہیں مگر گزشتہ کچھ عرصے سے دونوں کے درمیان اختلافات اور ممکنہ علیحدگی کی خبریں سامنے آتی رہی ہیں۔

معاملے نے اس وقت زیادہ توجہ حاصل کی تھی جب سنیتا آہوجا کی جانب سے طلاق کی درخواست دائر کیے جانے کی اطلاعات سامنے آئیں، مگر بعد ازاں گووندا کے مینجر ششی سنہا نے دعویٰ کیا تھا کہ سنیتا نے طلاق کی درخواست واپس لے لی ہے اور دونوں علیحدہ نہیں ہو رہے۔

محض سوشل میڈیا پر ایک دوسرے کو ان فالو کرنا علیحدگی یا طلاق کی تصدیق نہیں کرتا جبکہ گووندا یا سنیتا آہوجا کی جانب سے بھی اس حوالے سے کوئی نیا باضابطہ بیان سامنے نہیں آیا۔