شعیب اختر کو بالی ووڈ میں اداکاری کی آفر ہوئی تھی، کرکٹر نے انکار کیوں کیا؟
شعیب اختر نے تفصیل سے اس فیصلے کی وجہ بتائی۔
پاکستان کے سابق فاسٹ بولر شعیب اختر نے انکشاف کیا ہے کہ انہیں اپنے کرکٹ کیریئر کے دوران بالی ووڈ میں کام کرنے کی پیشکش ہوئی تھی مگر انہوں نے فلمی دنیا میں قدم نہ رکھنے کا فیصلہ کیا۔
شعیب اختر نے تابش ہاشمی کے شو میں گفتگو کرتے ہوئے بتایا کہ ایک وقت میں انہوں نے اداکاری کے بارے میں سنجیدگی سے سوچا تھا اور انہیں عمران ہاشمی کی مشہور فلم ’گینگسٹر‘ میں بھی ایک کردار کی پیشکش کی گئی تھی۔
شعیب اختر نے بتایا کہ اداکاری میں دلچسپی کے باوجود انہیں جلد اندازہ ہو گیا تھا کہ کرکٹ اور فلمی کیریئر کو ایک ساتھ جاری رکھنا آسان نہیں ہو گا۔ اس ہی لیے انہوں نے کرکٹ کو مکمل توجہ دینے کا فیصلہ کیا۔