رمشا خان شادی کے بعد کیوں چھپنے لگیں؟ اداکارہ نے خود وجہ بتا دی
ان کا کہنا ہے کہ وہ اپنی ازدواجی زندگی سے خوش ہیں اور اب ایک عام شہری کی طرح نجی زندگی گزارنے کو ترجیح دیتی ہیں۔
پاکستانی اداکارہ رمشا خان نے اپنی بہن علیشا خان کی شادی میں چہرہ چھپا کر شرکت کرنے اور شادی کے بعد کیمرے سے دور رہنے سے متعلق قیاس آرائیوں پر وضاحت کر دی۔
صحافی حسن چوہدری سے گفتگو میں رمشا خان نے واضح کیا کہ ان کے شوہر یا سسرال کی جانب سے ان پر کسی قسم کی پابندی نہیں لگائی گئی بلکہ کیمرے سے دور رہنے کا فیصلہ ان کا اپنا ہے۔
اداکارہ کے مطابق وہ اب کیمرے کے سامنے نہیں آنا چاہتیں اور نہ ہی اپنی ذاتی زندگی کو سوشل میڈیا پر موضوعِ بحث بنانا چاہتی ہیں۔ وہ اپنی ازدواجی زندگی سے خوش ہیں اور اب ایک عام شہری کی طرح نجی زندگی گزارنے کو ترجیح دیتی ہیں۔