سہیل سمیر کے شارٹ فلم میں ادا کیے گئے بولڈ سینز وائرل، صارفین نے آڑے ہاتھوں لے لیا

پاکستانی ٹیلی ویژن اور فلم کے معروف اداکار سہیل سمیر اپنی نئی شارٹ فلم ’دوسری عورت‘ کے ایک منظر کے باعث سوشل میڈیا صارفین کی تنقید کی زد میں آگئے۔

حال ہی میں اداکار شارٹ فلم ’دوسری عورت‘ میں نظر آئے جو ایک سسپنس تھرلر ہے مگر فلم اپنے ایک رومانوی سین کے باعث سوشل میڈیا پر تنقید کا شکار ہو رہی ہے۔

وائرل کلپ میں سہیل سمیر کو اپنی ساتھی اداکارہ کے ساتھ رومانوی انداز میں دکھایا گیا ہے،جبکہ اس دوران ادا کیے گئے بعض مکالموں پر بھی صارفین نے اعتراض کیا۔

واضح رہے کہ سہیل سمیر کا شمار ورسٹائل اداکاروں میں ہوتا ہے۔ وہ سنو چندا، تیرے بن، عشق ہوا اور دایان سمیت متعدد ڈراموں میں اپنی اداکاری کے جوہر دکھا چکے ہیں۔ مزاحیہ کرداروں سے لے کر منفی کرداروں تک انہیں ناظرین کی جانب سے پذیرائی ملتی رہی ہے۔