سانحہ پمز تحقیقات؛ حکومت نے پارلیمانی کمیٹی کیلیے سیاسی جماعتوں سے نام مانگ لیے

سانحہ پمز کی شفاف تحقیقات کو یقینی بنانے کے لیے وفاقی حکومت نے تمام پارلیمانی جماعتوں سے نام طلب کر لیے ہیں۔

نجی ٹی وی کے مطابق قومی اسمبلی نے جمعہ کے روز ایک اہم پیش رفت کے دوران مشترکہ پارلیمانی کمیٹی کے قیام کی قرارداد متفقہ طور پر منظور کی تھی۔ اس فیصلے کا مقصد ایوان میں موجود تمام سیاسی جماعتوں کو تحقیقاتی عمل کا حصہ بنانا ہے تاکہ واقعے کے محرکات کا تعین کیا جا سکے اور ذمہ داروں کا تعین ممکن ہو سکے۔

پارلیمانی ذرائع نے اس حوالے سے مزید وضاحت کرتے ہوئے کہا ہے کہ تمام جماعتوں کی جانب سے نام موصول ہوتے ہی کمیٹی کے قیام کا باضابطہ نوٹیفکیشن جاری کر دیا جائے گا۔

ذرائع کے مطابق حکومت نے اس عمل کو جلد مکمل کرنے کی ہدایت کی ہے تاکہ سانحہ پمز کی تحقیقاتی کارروائی کا عمل فی الفور شروع کیا جا سکے۔