مقبوضہ مغربی کنارے میں بھیڑیں چرانے پر مزاحمت کرنے پر دو فلسطینی شہید

مغربی کنارے میں اسرائیلی آبادکاروں کی جانب سے بھیڑیں چرانے پر مزاحمت کرنے پر دو فلسطینی نوجوانوں کو گولی مار کر شہید کر دیا گیا ہے.

میڈیا رپورٹس کے مطابق مقامی رہائشیوں نے بتایا کہ 16 سالہ خلیل ابو عالیہ، ایک ہائی اسکول کے طالب علم اور 19 سالہ عمر الناسان کو اس وقت گولی مار دی گئی جب پولیس اور فوج کی نگرانی میں آباد کاروں کا ایک گروپ رام اللہ کے قریب المغایر گاؤں میں ایک فلسطینی کے گھر سے بھیڑیں لینے کے لیے داخل ہوا۔

فوج نے دعویٰ کیا کہ اس کے دستے پولیس افسران اور اسرائیلی آباد کاروں کو تحفظ فراہم کر رہے تھے جو ان کی طرف سے دعویٰ کی گئی بھیڑیں لینے گئے تھے۔ تاہم فوج نے مویشیوں کی ملکیت کا کوئی ثبوت پیش نہیں کیا۔

دوسری جانب اسرائیلی فوج نے مقبوضہ علاقے میں تشدد کی تازہ ترین بڑھتی ہوئی کارروائی میں ہیبرون کے قریب ایک گاؤں کو مسمار کر دیا ہے ۔