سونے کی قیمت میں 3روزہ وقفے کے بعد اضافہ

امریکا ایران کشیدگی برقرار رہنے کے باوجود امریکا کی ایران پر عائد پابندیاں نرم کرنے کے فیصلے سے خام تیل کی عالمی قیمتوں میں دوبارہ کمی کے رجحان سے تین روزہ وقفے کے بعد عالمی و مقامی مارکیٹوں میں سونے اور چاندی کی قیمتوں میں اضافہ ہوگیا۔

بین الاقوامی بلین مارکیٹ میں فی اونس سونے کی قیمت 43ڈالر کے اضافے سے 4ہزار 191ڈالر کی سطح پر آگئی۔

اضافے کے باعث مقامی صرافہ مارکیٹوں میں بھی بدھ کو فی تولہ سونے کی قیمت 4ہزار 300روپے کے اضافے سے 4لاکھ 41ہزار 636روپے کی سطح پر آگئی اور فی دس گرام سونے کی قیمت 3ہزار 686روپے کے اضافے سے 3لاکھ 78ہزار 631 روپے کی سطح پر آگئی۔

اسی طرح عالمی مارکیٹ میں فی اونس چاندی کی قیمت 20سینٹس کے اضافے سے 61ڈالر کی سطح پر آنے کے باعث مقامی صرافہ مارکیٹوں میں بھی فی تولہ چاندی کی قیمت 20روپے کے اضافے سے 6ہزار 578روپے اور فی دس گرام چاندی کی قیمت بھی 17 روپے کے اضافے سے 5ہزار 639 روپے کی سطح پر آگئی۔