پشاور اسکول سانحہ: ریسکیو 1122 نے حادثے کی ابتدائی رپورٹ تیار کرلی

دیر کالونی میں نجی اسکول کی چھت منہدم ہونے کے واقعے کی ریسکیو 1122 نے ابتدائی رپورٹ تیار کر لی ہے۔

رپورٹ کے مطابق 15 اکتوبر کو صبح 8 بج کر 48 منٹ پر پہلی ایمرجنسی کال موصول ہوئی، جس پر کنٹرول روم نے ابتدائی طور پر 2 ایمبولینسز جائے وقوع کی طرف روانہ کیں۔

رپورٹ میں بتایا گیا ہے کہ ایمبولینس 5 منٹ کے اندر جائے وقوع پر پہنچی، تاہم حادثے کی شدید نوعیت معلوم ہونے کے بعد فوری طور پر 20 ایمبولینسز اور 100 اہلکار بھجوائے گئے۔

رپورٹ کے مطابق جائے وقوع سے مجموعی طور پر 56 متاثرین کو نکالا گیا، جبکہ ریسکیو کی ایمبولینسز نے ملبے تلے دبے زخمیوں کو فوری طور پر لیڈی ریڈنگ اسپتال منتقل کیا۔