مریم نواز کا لاہور کے شہریوں کے لیے ایک اور بڑا تحفہ

وزیراعلیٰ پنجاب مریم نواز شریف نے لاہور کے شہریوں کو ایک اور تحفہ دے دیا۔

ایل ڈی اے نے ریلوے اسٹیشن کے بعد آزادی اسکوائر پر رنگا رنگ ڈانسنگ فاﺅنٹین نصب کر دیا، جس کی ویڈیو ایل ڈی اے نے جاری کر دی۔

ڈی جی ایل ڈی اے کے مطابق دیدہ زیب اور رنگا رنگ ڈانسنگ فاونٹین سے آزادی اسکوائر کو ایک نئی شکل ملی ہے۔ اربن ری جنریشن کے تحت لاہور ریلوے اسٹیشن اور اس کے اطراف ترقیاتی کام مکمل کیے گئے ہیں۔

ڈی جی ایل ڈی اے کے مطابق ریلوے اسٹیشن اور اطراف میں ترقیاتی کاموں سے علاقے کا فساڈ بہتر ، ڈسٹ فری اور ماحول دوست ہوا ہے۔ پورے علاقے کی اپ گریڈیشن سے گندگی، ماحولیاتی آلودگی اور تجاوزات کا خاتمہ، ٹریفک روانی میں بہتری آئی ہے۔