ایشان کشن نیوزی لینڈ کیخلاف دوسرے ٹی ٹوئنٹی سے باہر
نیوزی لینڈ کے خلاف پانچ میچوں کی ٹی ٹوئنٹی سیریز کے دوسرے مقابلے سے قبل بھارت کو بڑا دھچکا لگ گیا، وکٹ کیپر بیٹر ایشان کشن انجری کے باعث میچ سے باہر ہوگئے۔
بھارتی کرکٹ بورڈ (بی سی سی آئی) کے مطابق ایشان کشن کو پہلے ٹی ٹوئنٹی میچ کے دوران دائیں ران کے پٹھے میں معمولی نوعیت کی انجری ہوئی تھی جس کے باعث وہ دوسرے میچ میں ٹیم کو دستیاب نہیں ہوں گے۔
بورڈ نے واضح کیا ہے کہ ان کی صحت یابی اور فٹنس کی صورتحال کا مسلسل جائزہ لیا جائے گا۔
𝗨𝗽𝗱𝗮𝘁𝗲:
— BCCI (@BCCI) October 23, 2026
Ishan Kishan is ruled out of the second T20I against New Zealand due to a low grade right adductor strain, which he sustained during the first T20I of the series.
The BCCI Medical Team is monitoring his progress.#TeamIndia | #NZvIND pic.twitter.com/QbZpuVh1hQ
ایشان کشن نے سیریز کے پہلے میچ میں شرکت کی تھی جس میں بھارت نے 226 رنز کا ہدف حاصل کرکے مردوں کی ٹی ٹوئنٹی انٹرنیشنل کرکٹ میں اپنا سب سے بڑا ہدف کامیابی سے عبور کیا۔
ایشان کشن کی غیر موجودگی میں نوجوان بلے باز ویبھاؤ سوریاونشی کو موقع ملنے کا امکان ہے۔
دونوں ٹیمیں ہفتے کو کرائسٹ چرچ کے ہیگلے اوول میں دوسرے ٹی ٹوئنٹی میں آمنے سامنے ہوں گی جہاں نیوزی لینڈ سیریز میں واپسی کی کوشش کرے گا۔