روہڑی انٹر چینج کے قریب ایل پی جی ٹینکر میں دھماکا، دو افراد جاں بحق
دھماکا آبادی والے علاقے سے دور پیش آیا جس کی وجہ سے نقصان کم ہوا
سکھر:
روہڑی انٹر چینج کے قریب ایل پی جی ٹینکر میں دھماکے کے نتیجے میں دو افراد جاں بحق جبکہ 4 زخمی ہوگئے۔
ریسکیو ذرائع کے مطابق اطلاع ملنے پر حادثے کے مقام پر پولیس اور ریسکیو ٹیمیں پہنچیں، زخمیوں اور لاشوں کو تعلقہ اسپتال روہڑی اور سول اسپتال سکھر منتقل کیا گیا۔
ذرائع کا کہنا ہے کہ ٹینکر پنجاب سے آرہا تھا کہ روہڑی انٹر چینج کراس کرنے کے بعد دھماکا ہوگیا، دھماکا آبادی والے علاقے سے دور پیش آیا جس کی وجہ سے نقصان کم ہوا۔