سنتھیا ایریوو کا اریانا گرانڈے کے ساتھ گہری دوستی پر تنقید کرنے والوں کو منہ توڑ جواب
ہالی ووڈ اداکارہ سنتھیا ایریوو نے معروف گلوکارہ و اداکارہ اریانا گرانڈے کے ساتھ اپنی گہری دوستی پر تنقید کرنے والوں کو کرارا جواب دے دیا۔
فلموں ’وِکڈ‘ اور ’وِکڈ: فار گڈ‘ کی تشہیری مہم کے دوران دونوں اداکاراؤں کی جذباتی قربت اور دوستی سوشل میڈیا پر بحث کا موضوع بنی رہی۔ حالیہ انٹرویو میں سنتھیا ایریوو نے کہا کہ یہ حیران کن ہے کہ بعض لوگوں کو دو خواتین کی اچھی دوستی بھی برداشت نہیں ہوتی۔
ان کے مطابق سوشل میڈیا صارفین ان کے ہنسنے، رونے اور جذبات کا اظہار کرنے پر سوال اٹھاتے رہے، جیسے دو خواتین کا ایک دوسرے سے قریب ہونا غیر معمولی بات ہو۔
سنتھیا نے کہا کہ انہوں نے اپنی دوست کی حفاظت کے لیے قدم اٹھایا تھا لیکن بعض افراد نے انہیں اریانا کی باڈی گارڈ قرار دے دیا، وہ کسی بھی دوست کے لیے ایسا ہی کرتیں۔