ماہرآرٹسٹ نے کتے کے بالوں سے مشہور فنکاروں کے پورٹریٹ بناڈالے

نیویارک: ماہر آرٹسٹ عام طور پر اپنے فن پارے تیار کرنے کے لیے پینٹ اور برش کا سہارا لیتے ہیں اور کچھ اس سے ہٹ کر چھری کانٹوں اور دیگر اشیا سے پورٹریٹ تیار کرنے میں مہارت رکھتے ہیں مگر امریکا میں ایک آرٹسٹ ایسا بھی ہے۔جس نے ان سب سے ہٹ کر طریقہ اپنایا ہے اور وہ ہے کتے کے بالوں کو استعمال کرنے کا۔ 

میڈیا رپورٹس کے مطابق کولمبین نژاد امریکی آرٹسٹ میٹوبلنکو جو اوپیرا سنگر بھی ہے نے کتے کے بالوں سے مشہور فنکاروں کے پورٹریٹ تیار کردیے ہیں میٹو کا کہنا ہے کہ اسے ایک پورٹریٹ کی تیاری میں ڈیڑھ سے دو ماہ لگتے ہیں اور وہ اب تک مائیکل جیکسن ،جان لینن اورجیمی ہینڈرکس کے پورٹریٹ تیار کرچکا ہے ۔