پودینہ کولیسٹرول کم اورہڈیوں کو مضبوط کرتا ہے طبی ماہرین

ترکی کے ماہرین صحت کا کہنا ہے کہ پودینہ کولیسٹرول کو کم کرنے کے ساتھ ساتھ ہڈیوں کو مضبوط کرتا ہے۔


ماہرین صحت کا کہنا ہے کہ جدید تحقیق سے یہ بات سامنے آئی ہے کہ پودینے کا مسلسل استعمال انسانی جسم میں کولیسٹرول لیول کو کم کرتا ہے اور اس میں موجود مگنیشیم ہڈیوں کو طاقت دیتا ہے،بظاہر ایک معمولی سی سبزی نظر آتی ہے تاہم اس میں بے شمار خوبیاں پائی جاتی ہیں۔

ماہرین کا کہنا ہے کہ پودینے کی پتیوں کا تازہ رس لیموں اور شہید کے ساتھ اسی طرح مقدار میں شامل کر کے استعمال کرنے سے پیٹ کی تمام بیماریوں کو افاقہ ہوتا ہے، کھانسی اور زکام کی صورت میں پودینے کا رس کالی مرچ اور کالے نمک کے ساتھ ابال کر استعمال کرنے سے آرام آتا ہے جبکہ ہچکی کی صورت میں پودینے کی پتیاں چبانے سے ہچکیاں بند ہو جاتی ہیں، گرمیوں میں جی متلانے اور الٹی آنے کی صورت میں ایک چمچہ خشک پودینے کا پاؤڈر میں الائچی کا پاؤڈر ایک گلاس پانی میں ابال کر استعمال کرنے سے طبعیت بحال ہو جاتی ہے۔ ماہرین کا کہنا ہے کہ سر درد کی صورت میں پودینے کے پتوں کا لیپ بنا کر ماتھے پر لگانے سے آرام ملتا ہے.