اداکارہ میرا امریکا سے واپسی پراداس رہنے لگیں۔۔۔!!

لاہور: اداکارہ میرا امریکا سے واپسی پر اداس رہنے لگیں۔ لاہور آمد پر قریبی دوستوں کی جانب سے سالگرہ کی تقریب کا انعقاد بھی کیا گیا لیکن اداکارہ میرا کے چہرے پرمبارکباد اورنیک تمناؤں کے پیغامات ملنے کے باوجود مسکراہٹ نہیں تھی بلکہ اداسی چھائی رہی۔

معلوم ہوا ہے کہ امریکا کے حالیہ دورے کے دوران اداکارہ میرا کوفلم کے پروجیکٹ میں توزیادہ کامیابی نہیں مل سکی لیکن انھیں کیپٹن نوید اور ان کے فیملی کی جانب سے بہت پیارملا۔ کسی نے شاپنگ کروائی توکسی نے پرتکلف کھانوں سے تواضع کی۔ جس کی وجہ سے اداکارہ میرا اب پاکستان میں اپنے سسرالیوں کو بہت مس کررہی ہیں۔ یہی وجہ ہے کہ اپنی سالگرہ کے موقع پراداکارہ میرا روایتی انداز سے سج دھج کرنہیں بلکہ عام سے ملبوسات میں تقریب میں شریک ہوئیں ۔ انہوں نے حسب روایت تقریب میں شریک دوستوں کے ساتھ زیادہ تصویریں بنوائیں اورنہ ہی اس طرح سے انجوائے کیا، جیسے وہ ماضی میں ہونے والی اپنی سالگرہ کی تقریبات میں کرتی تھیں۔