کراچی میں ٹریفک پولیس اہلکاروں کو بھی مسلح کرنے کا فیصلہ

لاہور:
سیکیورٹی اہلکاروں کی بڑھتی ہوئی کارروائیوں کے باعث اب شہر میں ٹریفک پولیس اہلکاروں کو بھی اسلحے سے لیس کرنے کا فیصلہ کیا گیا ہے۔

ایکسپریس نیوز کے مطابق کراچی میں گزشتہ چند روز کے اندر 4 پولیس اہلکاروں کی ٹارگٹ کلنگ کے بعد ڈی آئی جی ٹریفک امیر شیخ نے آئی جی سندھ غلام حیدر جمالی کو ایک خط تحریر کیا جس میں انھیں ٹریفک پولیس اہلکاروں کو اپنی حفاظت کے لئے اسلحہ فراہم کرنے کی درخواست کی گئی۔


ذرائع کا کہنا ہے کہ آئی جی سندھ نے بھی اس حوالے سے محمکہ داخلہ سندھ کو ایک خط ارسال کردیا ہے جس کے بعد اس بات کے قوی امکانات ہیں کہ چند روز میں ہی ٹریفک پولیس اہلکاروں کو بھی اپنی حفاظت کے لئے اسلحہ فراہم کر دیا جائے گا۔

واضح رہے کہ گزشتہ روز نیپا چورنگی پر دہشت گردوں کی فائرنگ سے ڈیوٹی پر تعینات 2 ٹریفک پولیس اہلکار نظام حسین اور محمد شیر جاں بحق ہوگئے تھے۔

https://www.dailymotion.com/video/x33u8o8_traffic-police-karachi_news