وفاق میں حکومت میں ہوتے ہوئے پیپلزپارٹی نے اپنے وعدے پورے نہیں کیےقائم علی شاہ
کراچی میں تمام قومیتیں آباد ہیں اس کی ترقی اور خوشحالی صرف حکومت سندھ پر فرض نہیں، وزیراعلیٰ سندھ
کراچی میں تمام قومیتیں آباد ہیں اس کی ترقی اور خوشحالی صرف حکومت سندھ پر فرض نہیں ، قائم علی شاہ ۔ فوٹو: فائل
وزیراعلیٰ سندھ سید قائم علی شاہ کا کہنا ہے کہ 2010 میں آنے والے سیلاب کے بعد نقصانات کے ازالے کے لیے پیپلز پارٹی نے جو وعدے کیے تھے وہ پورے نہیں کیے۔
اسلام آباد میں میڈیا سے بات کرتے ہوئے وزیراعلیٰ سندھ سید قائم علی شاہ نے کہا کہ 2010 اور 2011 میں پورے ملک کے سیلاب کا پانی سندھ میں آیا کیوں کہ سیلاب کی آخری منزل سندھ ہے، ہمارے 10 اضلاع تباہ گئے اور انفرا اسٹر کچر بھی متاثر ہوا لیکن پیپلز پارٹی کے وفاق میں ہونے کے باوجود بھی سندھ کو کوئی ریلیف نہ مل سکا کیوں کہ پیپلز پارٹی کی وفاقی حکومت نے جو وعدے کیے تھے انہیں وفا نہ کرسکے اور تباہی کا سارا ازالہ سندھ حکومت کو کرنا پڑا۔
قائم علی شاہ کا کہنا تھا کہ آخری اجلاس میں فیصلہ ہوا تھا کہ سیلاب کو روکنے کی حکمت عملی تیار کی جائے گی اور فلڈ کنٹرول کا محکمہ وفاق کے ماتحت ہے اس لیے وفاق ہی تمام تر اخراجات برداشت کرے۔ وزیراعلیٰ سندھ نے بتایا کہ اجلاس میں ڈیمز سے متعلق بات ہوئی اور ہم نے وفاقی حکومت کو یہ واضح کردیا ہے کہ کالا باغ ڈیم کی تعمیر سے سندھ بنجر ہوجائے گا اس لیے تربیلا ڈیم سے نیچے کوئی بھی ڈیم نہ بنایا جائے۔
وزیراعلیٰ سندھ کا کہنا تھا کہ ہم نے وزیر اعظم نواز شریف کو بھی بتا دیا ہے کہ سندھ میں پانی کی بہت قلت ہے جس کے خلاف لوگ احتجاج کرتے ہیں اور کراچی کے عوام تو لڑنے مرنے پر اتر آتے ہیں، کراچی میں ہر قوم سے تعلق رکھنے والے لوگ بستے ہیں اس لیے شہر کی خوشحالی اورترقی کی ذمہ داری صرف سندھ حکومت کا فرض نہیں۔ انہوں نے کہا کہ ایپکس کمیٹی میں وزیراعظم کو پانی کی قلت کےحوالےسے بتادیا، اب وزیر اعظم سمیت تمام سیاسی جماعتوں شہر قائد کے مسائل کے حل کے لیے حکومت سندھ کا ہاتھ بٹائیں۔ قائم علی شاہ کا کہنا تھا کہ ایم کیو ایم سے سوتیلی ماں جیسا سلوک نہیں کیا جارہا ہے وہ تو اسمبلی میں اسپیکر کو بھی نہیں بولنے دیتے۔
اسلام آباد میں میڈیا سے بات کرتے ہوئے وزیراعلیٰ سندھ سید قائم علی شاہ نے کہا کہ 2010 اور 2011 میں پورے ملک کے سیلاب کا پانی سندھ میں آیا کیوں کہ سیلاب کی آخری منزل سندھ ہے، ہمارے 10 اضلاع تباہ گئے اور انفرا اسٹر کچر بھی متاثر ہوا لیکن پیپلز پارٹی کے وفاق میں ہونے کے باوجود بھی سندھ کو کوئی ریلیف نہ مل سکا کیوں کہ پیپلز پارٹی کی وفاقی حکومت نے جو وعدے کیے تھے انہیں وفا نہ کرسکے اور تباہی کا سارا ازالہ سندھ حکومت کو کرنا پڑا۔
قائم علی شاہ کا کہنا تھا کہ آخری اجلاس میں فیصلہ ہوا تھا کہ سیلاب کو روکنے کی حکمت عملی تیار کی جائے گی اور فلڈ کنٹرول کا محکمہ وفاق کے ماتحت ہے اس لیے وفاق ہی تمام تر اخراجات برداشت کرے۔ وزیراعلیٰ سندھ نے بتایا کہ اجلاس میں ڈیمز سے متعلق بات ہوئی اور ہم نے وفاقی حکومت کو یہ واضح کردیا ہے کہ کالا باغ ڈیم کی تعمیر سے سندھ بنجر ہوجائے گا اس لیے تربیلا ڈیم سے نیچے کوئی بھی ڈیم نہ بنایا جائے۔
وزیراعلیٰ سندھ کا کہنا تھا کہ ہم نے وزیر اعظم نواز شریف کو بھی بتا دیا ہے کہ سندھ میں پانی کی بہت قلت ہے جس کے خلاف لوگ احتجاج کرتے ہیں اور کراچی کے عوام تو لڑنے مرنے پر اتر آتے ہیں، کراچی میں ہر قوم سے تعلق رکھنے والے لوگ بستے ہیں اس لیے شہر کی خوشحالی اورترقی کی ذمہ داری صرف سندھ حکومت کا فرض نہیں۔ انہوں نے کہا کہ ایپکس کمیٹی میں وزیراعظم کو پانی کی قلت کےحوالےسے بتادیا، اب وزیر اعظم سمیت تمام سیاسی جماعتوں شہر قائد کے مسائل کے حل کے لیے حکومت سندھ کا ہاتھ بٹائیں۔ قائم علی شاہ کا کہنا تھا کہ ایم کیو ایم سے سوتیلی ماں جیسا سلوک نہیں کیا جارہا ہے وہ تو اسمبلی میں اسپیکر کو بھی نہیں بولنے دیتے۔