- عالمی برادری فلسطینیوں کے خلاف وحشیانہ جارحیت بند کروائے، سعودی عرب
- ٹی20 ورلڈکپ؛ وارم اَپ میچز کا شیڈول جاری
- 2000 سے زائد جگسا پزل اکٹھا کرنے کا ریکارڈ
- کیریبیئنز آج بھی سوئنگ کے سلطان ’وسیم اکرم‘ کے سحر میں مبتلا
- سبزی خوروں کی غذاؤں اور بہتر صحت کے درمیان تعلق کا انکشاف
- گوگل کا اینڈرائیڈ صارفین کیلئے سیکیورٹی فیچر متعارف کرانے کا اعلان
- روہت شرما پاکستانی مداح کے پیغامات پر مسرور
- کوچ بابر کو توقعات کے بوجھ سے آزاد کرائیں گے
- گرمی کی شدت میں اضافہ، وفاقی تعلیمی اداروں کے اوقات تبدیل
- ٹی20 ورلڈکپ، شعیب ملک نے ٹیم سے بلند توقعات وابستہ کرلیں
- کراچی کے علاوہ لاہور، ملتان کی ٹمبرمارکیٹ بھی احتجاجاً بند کرنیکا اعلان
- 10ماہ میں تجارتی خسارے میں 16.55 فیصد کمی ریکارڈ
- موقف پر کھڑاہوں، گردن کٹوادوں گا، پیچھے نہیں ہٹوں گا، فیصل واوڈا
- پاکستان میں زراعت، آئی ٹی میں سرمایہ کاری کے مواقع ہیں، اسحق ڈار
- پاکستان کا چین کے توانائی قرضوں کی تجدید پر غور، تجاویز تیار
- ڈیوٹی، ٹیکسز ادائیگی پر 248 موبائل ڈیوائسز ان بلاک
- دلِ مردہ دل نہیں ہے۔۔۔۔۔ !
- حجِ بیت اﷲ کی شرائط، فضیلت و برکات
- جج کی دہری شہریت پر ایم کیو ایم، ن لیگ اور آئی پی پی اراکین قومی اسمبلی کی تنقید
- مولانا فضل الرحمٰن نے پی ٹی آئی کے ساتھ اتحاد کا اشارہ دے دیا
ایک اور محب وطن کو تختہ دار پر لٹکادیا گیا
یہ بنگال ہی تو ہے جہاں سے تحریک پاکستان کا آغاز ہوتا ہے، پھر مسلم لیگ کی جانب سے پاکستان کے قیام کا مطالبہ بھی بنگال میں انتخابات میں کامیابی کے بعد ہی زور پکڑتا ہے جس کا نتیجہ پاکستان کے وجود کی صورت میں نکلتا ہے۔ پاکستان کا قیام دشمن کے لیے ناقابل برداشت ہوجاتا ہے اور وہ اپنے ناپاک عزائم کو عملی جامہ پہنانے کے لیے سازشوں کا جال بنتا ہے۔ بھائی کو بھائی کے خلاف دست و گریباں کراتا ہے، پھر عدم برداشت کے گھٹا ٹوپ اندھیرے پاک سرزمین پر چھا جاتے ہیں اور ڈھاکہ کا سانحہ رونما ہوتا ہے۔
اِس ساںحہ کے بعد عقل نے دلیل کے ساتھ کہا کہ حالات کا تقاضہ ہے کہ پاکستان وفا نہ کرسکے گا۔ عشق نے کہا کہ اہلِ کوفہ بھی وفا نہ کر پائے تھے۔ عقل نے کہا کہ دشمن تعداد میں اس قدر زیادہ ہیں کہ معلوم نہیں کس بل سے نکل آئے اور ڈس لے۔ عشق نے بدر کی صدا لگائی۔ یہ صدا سب دلیلوں پر غالب آتی ہے اور عاشقوں کا لشکر وطن کی بقاء کے لیے سرگرم ہوجاتا ہے۔ سامنے صف آراء اپنے بھائی بھی ہوتے ہیں اور بھائیوں کے روپ میں وہ بھیڑیے بھی جنہوں نے بھائیوں کے دلوں میں نفرت کا زہر بھرا ہوتا ہے۔ یہ عاشق وہ تاریخ رقم کرتے ہیں کہ دنیا حیران رہ جاتی ہے۔ دشمن کے آلہ کار بنے ہوئے اپنے بھائی کو غدار وطن کہہ کر مخاطب کرتے ہیں اور عقلی دلیل کو مار بھگاتے ہیں۔ ان کے جسموں پر جئے بنگلہ کندہ کیا جاتا ہے لیکن وہ پاکستان زندہ باد کی صدائیں بلند کرتے ہیں۔ ان کے جسم کے اعضاء کو کاٹ کر تقسیم کردیا جاتا ہے لیکن وہ پاکستان کو متحد رکھنے کے لیے کسی قربانی سے دریغ نہیں کرتے۔ آخر دشمن غداران وطن کے ساتھ کامیاب ٹھہرتا ہے اور اسلام کا مضبوط قلعہ کہلوانے کا دعویدار پاکستان اپنے ان عاشقوں کے انجام کی پرواہ کیے بغیر اپنی شکست تسلیم کرتا ہے اور انہیں دشمن کے رحم وکرم پر چھوڑ دیتا ہے۔
یہاں عشق عقل کے سامنے سرجھکائے کھڑا ہوتا ہے کہ دلیل کی جیت ہوتی ہے۔ معاہدہ طے پاتا ہے کہ کسی بھی انتقامی کارروائی سے گریز کیا جائے گا۔ یہ عاشق لوگ بھی بنگلہ دیش کو ٹوٹے دل کے ساتھ تسلیم کرتے ہیں اور اس کی خوشحالی کے لیے سرگرم ہوجاتے ہیں۔ عوام ان پر اعتماد کرتی ہے اور وہ حکومت میں آکر بنگلہ دیش کی تعمیر و ترقی میں کردار ادا کرنے لگتے ہیں۔ پھر اچانک دشمن اپنی چال چلتا ہے اور انتقامی کارروائیوں کا آغاز ہوتا ہے۔ معاہدے کی خلاف ورزی کرتے ہوئے انسانی حقوق کی دھجیاں بکھیرتا ہے۔ سفید بالوں والے بزرگوں کو انتقام کا نشانہ بناتے ہوئے پھانسیاں دی جاتی ہیں اور جن سے وفا کا جرم یہ عاشق کرتے ہیں وہ کسی سنگدل محبوب کی مانند خاموش رہتے ہیں اور لفظ ’’آہ‘‘ بھی نہیں نکالتے۔ عبدالقادر ملا، علی احسن مجاہد اور مطیع الرحمان نظامی اپنے عشق کی بدولت یقیناً فلاح پاگئے ہیں، لیکن بحیثیت پاکستانی ہم اس قدر بے بس ہیں کہ ہم پر قربان ہونے والے ان عاشقوں کا نوحہ بھی نہیں پڑھ سکتے۔
Shocked and appalled by the execution of my client #MotiurRahmanNizami. Process was condemned by international experts. Political show trial
— Toby Cadman (@tobycadman) May 10, 2016
دفتر خارجہ نے عوامی دباو کے بعد صرف اتنا کہنے پر اکتفا کیا ہے کہ یہ ایک انسانی ظلم ہے۔پاکستان اگر امن دشمنوں کو عدالتوں کے ذریعے انصاف کے تقاضے پورے کرتے ہوئے پھانسی کی سزائیں دیتا ہے تو دنیا بھر میں انسانی حقوق کے ٹھیکیدار پاکستان پر چڑھ دوڑتے ہیں۔ واویلا شروع کردیا جاتا ہے کہ پاکستان میں انسانی حقوق کی کھلم کھلا خلاف ورزی کی جارہی ہے۔ یہ خلاف ورزیاں انہیں بنگلہ دیش میں دکھائی نہیں دیتیں کہ جہاں انتقامی کارروائی کے لیے نام نہاد ٹریبونل کا قیام کیا گیا۔ بھارت پاکستان کو ہر مقام پر تذلیل کا نشانہ بنارہا ہے۔ اس مقصد کے لیے شیخ حسینہ کی حکومت پیش پیش ہے۔ کبھی فریڈم فائٹر کے نام سے تمغے بانٹے جاتے ہیں تو کبھی پاکستان کے چاہنے والوں کو پھانسیاں دے کر یہ پیغام دیا جاتا ہے کہ صحیح کا ساتھ دینے والوں کو کوئی رعائیت نہیں ملے گی۔
Those who fought for #Pakistan on the eastern front in '71 were not villains. Pakistan should have raised voice a/g #hangings in #Bangladesh
— AmirZia (@AmirZia1) May 11, 2016
اِس ظلم کی بنیاد پر امیر جماعت اسلامی پاکستان سینیٹر سراج الحق نے کہا کہ بنگلہ دیش سے زیادہ پاکستان کی حکومت نے خاموش رہ کر ظلم کیا ہے۔ انہوں نے کہا کہ وفاقی وزراء سے لے کر وزیراعظم میاں نوازشریف صاحب تک سب کا دروازہ کھٹکھٹایا گیا اور انہیں اس ظلم کو رکوانے کے لیے کردار ادا کرنے کی اپیل کی گئی، لیکن کسی نے اس بات پر کان نہیں دھرے۔ دنیا بھر کے لوگ اس انسان دشمن عمل پر سراپا احتجاج ہیں۔
#Qatar, #SaudiArabia, #Turkey could support #Pakistan on #Bangladesh executions but PM #NawazSharif not forthcoming. #پاکستان_کی_شہادت
— Ahmed Quraishi (@AQpk) May 10, 2016
PM #NawazSharif govt's criminal silence on the hanging of pro-Pakistan leaders in #Bangladesh. Sharif letting #Pakistan down on every front
— AmirZia (@AmirZia1) May 11, 2016
ویسے افسوس تو اس بات پر بھی ہے کہ مسلمانوں کے حقوق کی علمبردار تنظیم OIC نے بھی اس ظلم پر چپ سادھ رکھی ہے۔ اداروں کے ایسے کرداروں کی وجہ سے انتہاپسندی کو تقویت پہنچتی ہے۔ پاکستان کو چاہیے کہ وہ اپنی خارجہ پالیسی کا ازسرنو جائزہ لے اور اپنے مفادات اور خیر خواہوں کی حفاظت کے لیے مضبوطی سے کردار ادا کرے، اگر ایسا نہیں کیا گیا تو خدشہ ہے کہ پاکستان کی تذلیل کا یہ بازار یونہی گرم رہے گا۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں ہے۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹویٹر آئی ڈیز اوراپنے مختصر مگر جامع تعارف کے ساتھ [email protected] پر ای میل کریں۔ بلاگ کے ساتھ تصاویر اورویڈیو لنکس۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔