جمہوریہ چیک بھی اقتصادی راہداری میں شمولیت کی خواہشمند
پاکستانی وفدجلد پراگ جائیگا،تجارت،سی پیک،وسط ایشیاتک رسائی پربات ہوگی، چیک وزیراعظم اسلام آبادکادورہ کرینگے،سفیر
توانائی،الیکٹرونکس،ہیوی مشینری اور دیگرشعبوں میں تعاون پرمذاکرات ہوں گے،پاک چیک بزنس کونسل کے اجلاس سے خطاب فوٹو: فائل
VIENNA:
چیک ری پبلک کے سفیر جان فیوری نے کہا ہے کہ ان کا ملک پاک چین اقتصادی راہداری میں شمولیت کا خواہاں ہے،اعلیٰ اختیاراتی پاکستانی وفد جلد پراگ کا دورہ کرے گا جہاں سی پیک، باہمی تجارت اور وسط ایشیا تک رسائی سمیت کئی معاملات پربات چیت ہوگی، چیک جمہوریہ کے وزیر اعظم پہلی فرصت میں پاکستان کا دورہ کریں گے اورراہداری کے علاوہ توانائی، ٹیکسٹائل، اسٹیل و ٹرانسپورٹیشن، آئی ٹی، الیکٹرونکس و ہیوی مشینری کے شعبوں میں تعاون پر بات چیت ہو گی۔
وہ ایف پی سی سی آئی کیپٹل آفس میں پاک چیک بزنس کونسل کے اجلاس سے خطاب کر رہے تھے، اس دوران بزنس کونسل کے چیئرمین عامر عطا باجوہ، ایف پی سی سی آئی کے نائب صدر جوہر علی راکی، ملک سہیل، زاہد مقبول، اسلام آباد چیمبر کے صدر عاطف اکرام شیخ اور سرگودھا، فیصل آباد و دیگر چیمبرز کے نمائندے بھی موجود تھے۔ چیک ری پبلک کے سفیر نے کہا کہ مغربی میڈیا پاکستان کی منفی تصویر کشی کر رہا ہے جبکہ مقامی حالات بہت بہتر ہو گئے ہیں اور پاکستانی معیشت ترقی کر رہی ہے۔
انھوں نے کہا کہ ان کے ملک کی بھارت سے تجارت تسلی بخش جبکہ پاکستان سے کم ہے جسے بڑھانے کے لیے دونوں حکومتوں کے علاوہ نجی شعبے کو بھی اپنا کردار ادا کرنا ہو گا، پاکستان کی زیادہ تر برآمدات ٹیکسٹائل پر مشتمل ہیں جنھیں متنوع بنانے کی ضرورت ہے۔ انھوں نے کاروباری برادری کو ستمبر میں چیک جمہوریہ میں ہونے والے یورپ کی سب سے قدیم تجارتی نمائش میں شرکت کی دعوت بھی دی ۔اس موقع پر عامر عطا باجوہ اور دیگر تاجر رہنماؤں نے نمائش میں بھرپور شرکت اور تجارتی حجم بڑھانے میں ہر ممکن تعاون کا یقین دلاتے ہوئے کہا کہ نمائش میں نہ صرف شرکت کی جائے گی بلکہ پاکستان کا پویلین بھی بنایا جائے گا۔
چیک ری پبلک کے سفیر جان فیوری نے کہا ہے کہ ان کا ملک پاک چین اقتصادی راہداری میں شمولیت کا خواہاں ہے،اعلیٰ اختیاراتی پاکستانی وفد جلد پراگ کا دورہ کرے گا جہاں سی پیک، باہمی تجارت اور وسط ایشیا تک رسائی سمیت کئی معاملات پربات چیت ہوگی، چیک جمہوریہ کے وزیر اعظم پہلی فرصت میں پاکستان کا دورہ کریں گے اورراہداری کے علاوہ توانائی، ٹیکسٹائل، اسٹیل و ٹرانسپورٹیشن، آئی ٹی، الیکٹرونکس و ہیوی مشینری کے شعبوں میں تعاون پر بات چیت ہو گی۔
وہ ایف پی سی سی آئی کیپٹل آفس میں پاک چیک بزنس کونسل کے اجلاس سے خطاب کر رہے تھے، اس دوران بزنس کونسل کے چیئرمین عامر عطا باجوہ، ایف پی سی سی آئی کے نائب صدر جوہر علی راکی، ملک سہیل، زاہد مقبول، اسلام آباد چیمبر کے صدر عاطف اکرام شیخ اور سرگودھا، فیصل آباد و دیگر چیمبرز کے نمائندے بھی موجود تھے۔ چیک ری پبلک کے سفیر نے کہا کہ مغربی میڈیا پاکستان کی منفی تصویر کشی کر رہا ہے جبکہ مقامی حالات بہت بہتر ہو گئے ہیں اور پاکستانی معیشت ترقی کر رہی ہے۔
انھوں نے کہا کہ ان کے ملک کی بھارت سے تجارت تسلی بخش جبکہ پاکستان سے کم ہے جسے بڑھانے کے لیے دونوں حکومتوں کے علاوہ نجی شعبے کو بھی اپنا کردار ادا کرنا ہو گا، پاکستان کی زیادہ تر برآمدات ٹیکسٹائل پر مشتمل ہیں جنھیں متنوع بنانے کی ضرورت ہے۔ انھوں نے کاروباری برادری کو ستمبر میں چیک جمہوریہ میں ہونے والے یورپ کی سب سے قدیم تجارتی نمائش میں شرکت کی دعوت بھی دی ۔اس موقع پر عامر عطا باجوہ اور دیگر تاجر رہنماؤں نے نمائش میں بھرپور شرکت اور تجارتی حجم بڑھانے میں ہر ممکن تعاون کا یقین دلاتے ہوئے کہا کہ نمائش میں نہ صرف شرکت کی جائے گی بلکہ پاکستان کا پویلین بھی بنایا جائے گا۔