امن ہو تو پاکستان میں پرفارم کرنا پسند کرونگا، اے آر رحمن

لندن:  معروف بھارتی موسیقار اے آر رحمن نے کہا ہے کہ اگر بھارت اور پاکستان کے درمیان سارے سیاسی اختلافات ختم ہو جاتے ہیں اور امن قائم ہوتا ہے تو وہ پاکستان جا کر پرفارم کرنا پسند کریں گے۔

یہ بات انھوں نے ایک انٹرویو کے دوران کہی ۔ اے آررحمن کا کہناتھا کہ موسیقی آپ کے اندر کی آواز ہوتی ہے۔ وہ کہتے ہیں جب میں صوفی موسیقی تخلیق کرتا ہوں یا مجھے صوفیانہ موسیقی کمپوز کرنے کے لیے کہا جاتا ہے تب میں اوریجنل موسیقی تخلیق کرنا چاہتا ہوں کسی دوسرے سے متاثر ہو کر نہیں۔انھوں نے مزید کہا کہ میں صرف فلموں کے لیے ہی موسیقی نہیں دیتا بلکہ میری موسیقی لوگوں کی زندگی کا حصہ ہونا چاہیے۔ اس لیے میں بھجن گاؤں یا صوفیانہ موسیقی ان باتوں کا خیال ضرور رکھتا ہوں۔