جشن آزادی کی مناسبت سے ٹوئٹر پر علامہ اقبال کا ہیش ٹیگ مقبول

مفکر پاکستان ڈاکٹر علامہ محمد اقبال کا آج نہ تو یوم پیدائش ہے اور نہ ہی یوم وفات لیکن پھر بھی ٹوئٹر پر مفکر پاکستان کی یاد میں لوگ انہیں خراج عقیدت پیش کر رہے ہیں۔

اسما ناز لکھتی ہیں کہ علامہ اقبال کی شاعری پوری قوم کے لئے امید کی کرن ہے اور خاص طور پر پاکستان کے نوجوانوں کے لئے۔

زین اللہ عابدین لکھتے ہیں کہ قوم شاعروں کے دل میں پیدا ہوتی ہے اور وہ سیاستدانوں کے ہاتھوں میں یا تو خوشحال ہوجاتی ہے یا مر جاتی ہے۔

شاعر مشرق علامہ اقبال کی تعریف میں ثریا ناصر لکھتی ہیں کہ ایک ماں ایسے بچے کو جنم نہیں دے سکتی جیسے علامہ اقبال تھے۔

اسد علوی اپنی دلچسپ ٹوئٹ میں لکھتے ہیں کہ ہمارے حالات ایسے ہوچکے ہیں کہ رمضان میں خدا یاد آجاتا ہے اور اگست کے مہینے میں پاکستان۔

فرضی نام سے ایک ٹوئٹر صارف مفکر پاکستان ڈاکٹر علامہ اقبال کو خراج عقیدت پیش کرتے ہوئے لکھتے ہیں کہ ہماری آزادی کے پیچھے آپ ہیں اور ہم آپ کو کبھی نہیں بھول سکتے، ہمیں شاہین بنانے پر ہم آپ کے مشکور ہیں۔

سیدہ کوثر نسیم لکھتی ہیں کہ علامہ اقبال کا الہ آباد کا خطبہ تاریخ میں ایک سنگ میل ثابت ہوا جس نے برصغیر کے مسلمانوں کو محفوظ بنایا ہے۔

محمد سفیان خان ٹوئٹ کرتے ہیں کہ برصغیر کے مسلمانوں کے علیحدہ وطن کا خواب دکھایا گیا جس کا نام پاکستان ہے۔

سیدہ بتول کا کہنا ہے کہ علامہ اقبال کی شاعری برصغیر کے مسلمانوں کے لئے حوصلہ افزائی کا ذریعہ بنی جس پر ہم ان کے شکر گزار ہیں۔

ٹوئٹر پر "شکریہ پاکستان" مقبول رہا، اس کا ایک عکس :